الموقع الرسمي لمنتديات الشاعر صلاح سالم السليمي الحربي
الموقع الرسمي لمنتديات الشاعر صلاح سالم السليمي الحربي

Salah Salim Salimi
 
الرئيسيةالرئيسية  الريسيةالريسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخول  

أهلاً و سهلاً في زوارنا الكرام في موقع الشاعر صلاح سالم السليمي ....أهلاً هلاً باللي دخل منتدانا = حياك ربي يوم دخلت وتفضلت

يمنع وضع روابط تحميل قبل (50)مشاركة ( نعلن عن فتح باب التسجيل لطلبات الاشراف لجميع اقسام المنتدى ون يكون عدد مشاركاته اكثر من (15 ) مشاركة

 

 

على الاعضا المشارة وتبادل الاراء لتطوير المنتدى وشكرا اخوكم قبطان السفينة
بحـث
 
 

نتائج البحث
 
Rechercher بحث متقدم
المواضيع الأخيرة
» ألغز وين اهل اللغاز
الثلاثاء يناير 25, 2011 9:04 am من طرف عاشق الهلال

» تصميم للهلال
الجمعة ديسمبر 31, 2010 2:40 pm من طرف عاشق الهلال

» قصيدة صوتية
الجمعة ديسمبر 31, 2010 2:37 pm من طرف عاشق الهلال

» بس دقيقة واحدة
الجمعة ديسمبر 31, 2010 1:16 pm من طرف عاشق الهلال

» السعودية اذكى شعب بالعالم؟؟؟؟؟
الجمعة ديسمبر 24, 2010 5:35 pm من طرف صلاح السليمي

» الحجاج بن يوسف الثقفي سياسي أموي وقائد عسكري، من أشهر الشخصيات في التاريخ الإسلامي والعربي، طاغية متجبر
الجمعة ديسمبر 24, 2010 2:29 pm من طرف عاشق الهلال

» صور لغار حراء جبل النور
الخميس ديسمبر 09, 2010 3:19 pm من طرف زائر

» حكم سودانية
الأربعاء نوفمبر 24, 2010 1:57 pm من طرف عاشق الهلال

» انا ضيف في مجالسكم
السبت نوفمبر 20, 2010 4:56 pm من طرف صلاح السليمي

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
منتديات الشاعر صلاح السليمي
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 7 بتاريخ الخميس مايو 14, 2015 12:21 am
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث

شاطر | 
 

 قصائد صلاح سالم الحربي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صلاح السليمي
منشي المنتدى ومديرعام


عدد المساهمات : 26
السٌّمعَة : -1
تاريخ التسجيل : 07/03/2010

مُساهمةموضوع: قصائد صلاح سالم الحربي   الأحد مارس 14, 2010 6:03 pm

[size=24][size=18]

السلام عليكم ورحمة الله وبركاتة
اقدم لكم هذي القصائد
وهي .. من كليمات  صاحب الموقع .. صلاح سالم الشبرقي السليمي الحربي
ويقول فيها؟

يازين الطرقه بالرجال المفاليح
                                اللي معهم تطرب وبالبر ترتاح
وعديت فوق اهضاب ملس صلافيح
                                  يطرب لهامن كان للبر سواح
وشبيت نارك تحت اهضاب دراميح
                             في غار يصفقك الهواء كل مالاح
مع سهلة تبري الجروح المجاريح
                                اللي تفرج الهم والصدر ينساح
وهذي امناتي يالوجية المساميح
                                  عسى لياليكم سعيدات وفراح
ولاني بشاكي للوجية المشافيح
                           ابعد عن اللي يضيق الصدرونزاح







القلب هاوي وهتوا بالشمالي
                       بين الجبال وبين هذيك الاطعاس
ينشرح صدري ابرقيتي كل عالي
                      افرج الضيقه وكتمات الاعماس
اللي مضاء عند الاجاويد سالي
                  وقتٍ مضالي ياعرب يطرب الراس
ومتاياربي يضــــــــحكٍ الليالي
                     ونعيش في جون ذعاذيع ووناس
ونفرح بشــوفة كل غالي وغالي
                       ناسٍ مودتهم بقلبي على ساس
اهل الوفاء والطيب نعم الرجالي
                       اهل الموده والمعزه بنوماس
يالله ياعـــالم بـــشـــين جـــرالي
                    ياعا لم الخافي والبين مع الناس
تفرج لمن صارت اهمومه اثقالي
                  وحبال حلقه من العنا اليوم يباس
اشكي وحيد ولابه اللى درالي
                   اخاف من هرجة عدون وبلاس
يفرح علينا عل ماله اعيالي
                    عساه في دنياه بهموم وتعاس
وصلو على المختار رعاء الرسالي
                  على النبي اعداد ماهب نسناس

             ( وله يضاً )
يالله دخيلك من زمانن تغير
فيه الرفيق اليوم يترك رفيقه
عز الله انه صار وقتٍ محير
راح الزمان اللى علومه وثيقه
ذاك الزمان اللى لجالك مسير
يعطيك من اعلوم الرفاقه حقيقه
واليوم لاجانا تقول امتطيرماشي
على الطائرولايجلس دقيقه
( وله )

بعض العرب حلوٍ لسانه إلاجاك
ولاصرت غايب حط في الشواكيك
ثم قام إسبك بين ربعك وجزاك
وخلاك بين الناس محدٍ يدانيك
لاصار بالنمه إسبك ويقفاك
ولاصرت قدامه مايقدر إحاكيك
ومن لايحبك لاتحطه بيمناك
دور علاغيره رفيقٍ يصافيك
رعاء الوفاء والطيب لاجيت حياك
اللي على الشده معك مايخليك
واللى الردي مع طول الايام يجفاك
لابد من يومٍ يخيب هقاويك
سريع بالجيه لامنه تنـــــصاك
ولارحت يمه ماهقيته يقهويك
اماطلع عنك وروح وخلاك
واللى ارتقص وجاب عذرٍ يمشيك
وصلاة ربي عد عداد الارماك
على نبيٍ لشريعه مــقـــديـــــك

( وله معاتبت جار)

ياجا ر أخطيـت ولا ينفـع قولـت أخطيـت
عـــز الله انـــك هـدمــت جـيــره قـديـمــه
شـتـمـت فـــي جـــارك ولا عـــاد بـقّـيـت
لــكــن الله يـجـيــب الـعــواقــب سـلـيـمــه
والـيـوم يـاجـار أنــا بـرحـل مــن الـبـيـت
لا صـــار مـالــي مقـدارعـنـدك وشـيـمـه
قـصـرة عـشـرة أسـنـيـن خليـتـهـا فـيــت
هـدمـتـهــا فــــــي عـــجـــة مـسـتـعـيـمـه
أكلـنـا مـلــح وزاد والـلــى أنـــت نـسـيـت
يـــا مـــا تـواجـدنـا وصـــارت عـزيـمــه
والــيــوم تـطـالـبـنـي وعــلـــي ز لّــيـــت
وغلـطـتـك أكـبــر مـــن أجـبــالٍ مـقـيـمـه
أخـذتـهــا بــصــدري ولا عــــاد لــدّيـــت
حـيــث الــعــرب لــهــم أســلــومٍ قـديـمــه
والله إ صـبّـرنـي عـلــى قـــدر ماخـفـيـت
حـيــث الـصـبـر واجـــب علـيـنـا نقـيـمـه
وتـراي مــن حرب  معروفـيـن بالصـيـت
أهـــل الـوفــاء والـجــود نـــاسٍ كـريـمــه
وقت الرخاء رخاء وقت الضيق ما تبيت
ولـزعـلــو إذ بــــون خــشــم الـصّـتـيـمـه


( وقال في الوطن )


لجـل الوطـن نـفـدى الـوطـن بالشـهـاده
وهـــذا وطـنــا يانـاسـيـن الـمـعـاريـف
لــنـــا فـــخـــر ونـفـتــخــر بـالـقــيــاده
اللـي احكمـوا يــوم الليـالـي عواصـيـف
تــرى الـوطــن بـاقــي بـقـمـة سـعــاده
ولاهمنـا الـلـي ضايـعٍٍِِ(ن) بالتصـاريـف
يـقــول انـــا مـسـلـم ويـعـلـن اجــهــاده
ويعمل عمـل شـارون أبـى التطاريـف
شـرذمـة(ن) جـتـنـا عـــلا غـيــر عـــاده
أخـذوالاســلام أدعــايــه وتـصـريــف
يـمـوت فــي سـمـه مـاحـصـل مـــراده
دون الوطن والدين ارجالٍ (ن) مناصيـف
ويـحـكــم بـحـكــم الله ويـنــفــذ نــفـــاده
ومن خالف القانون يقصف في السيف

( ويقول)

ياربنا تفرج لمن كان صبار
صابر على مر الزمن والليالي
واليوم باح الصبر والفكر محتار
وهمن عليه صار ثقل الجبالي
والجسم ناحل والحشاء داخله نار
ومن شافني قال انت داهل وسالي
والناس ماتدري وانا بمر الامرار
يالله دخيلك من حياة النكالي

وبيحت انا سدي وباحاً الاسرار
من علة بالقلب لها اجتوالي
واليوم طال البوح وقول ياستار
غرقان في هم ولحد درالي
وبديت ماب القلب من ضر وضرار
وشكواي للمولى عزيز الجلالي
ربٍ غفور وعالماً كل ماصار
رب البشر اللي عليه اتكالي
وصلات ربي عد ماهلة امطار
على نبين اوصانا بشرعاً عدالي

( وقال)


يالله على بياضه كنه اللنبه
فكسارمورد من اليابان مديله
ممشاه راكد مابه روغات ومطبة
كنه صروخ للفضاء راغ بستوله
نار مولع بالورا نار مشتبه
نار البساتم ولعة يوم نكويله
ودي اسجه يم اشمال وخبه
في رحله تعجب المشتاق وتهيله
وسوج رجلي مدام العمر في شبه
بين الربل والنصي ونبوت الشتيله
محلى ربيعاً فاج وزداد في عشبه
يهيض اللي من العنا طال به ميله


( ويقول في البراري )


يما حلا الطلعه وليا شبة النار
في سهلةًٍ تبري النفوس العليله
ولاغاشت الدله لقمناه ببهار
وخت فنجالٍ على الكيف هيله
وقمت التمشى والدرج الرجل محتار
من واهجٍ بالصدر مثل المليله
وفيضت ماب الراس من كثر الافكار
ويزود شري لارقيت الطويله
وقمت اتذكر ياهل العرف بالدار
بديار ربعي وفتخر بالقبيله
ناسٍ لهم ماقف مع الضيف والجار
ولاجاهم الدخيل يحمون الدخيله
العلم الطيب للجاويد يذكار
بديارهم كل العلوم الخصيله
عسى الولي يسقي اراضية بامطار
ومحلا ام سالم لاسمعنا بصليله
وصلاة ربي على سيد الابرار
وعداد ماهل المطر من مخيله





( ويقول عن الغفله والنسيان )

دنيا بهــا نمشي بلاعداد وحـساب
وراح العـمـر مابـين نـمه وغـيبه
أول شباب العــمر والــيوم شـياب
والنفـس ماطابت ولاهـي مـطيـبه
وترى القدر يجي من اتفه الاسباب
شيـن كتب باللـوح مافـيه ريبـه
ومن غاب عـنا غاب معـاد ينـجـاب
عـند الولي يعـلم خـفايا إذنـوبه
ولابد من يومـن ايفـرق بالاحبــاب
والكل يبـكي من مفارق حبــيبه
ولاوهــــني اللــي عـبد ربه وتاب
وصلى الفروض الخمس اول مجيبه
نقراعلى الهامش ولانحفظ اكتاب
مصيبةٍ ياكبرها من مصيبه
وصلاة ربي على سيد لاصحاب
واعداد منهو زار مكه وطيبه

( ويقول)

يـالله يـاعـالـم خــفـيـات الاســرار
تغـفرالـذنوب اللى عـليناخطايا
يالـواحد المعبـود تـنجـينا من النار
وقـت الاحساب ويوم اخر نهايا
وهـذي نصيحـه للمسلـميـن تذكـار
نـصيحتة مـن عـندنا لـك هدايا
ولابــد مـن يـوم إفـرق هـل الـدار
وتحـط فـي قـبـرٍ عـليـك إتـهايا
مايـنـفـعـك ابـوك وبـنـك ونـصـار
ولايـنفـع مـن بـكاك كثر البكايا
واحذررفيق السوء ترا امرافقه عار
يـكسبلك الحقـران هي والدعايا
واختر رفيـقك من طوإلين الاشبار
اللى عـلى الكـلمـه تـلقـاهم وفايا
ولاوهـني اللى عـلى الـديـن صبار
ماهـتم في كـثر الحكي والحكايا
تـلقـاه في وحـده إصلي بالاسـحـار
يطلب من المولى كـثير العطايا
وصـلاة ربـي عـلى سـيـد الابـرار
على نبين اوصانا بخير الوصايا

( له)

اليوم اناخايف من حاسب ومحسوب
يوم الملاقاء باليام الخصيمه
وشـــــكـــواي لله يــوم كثراً الاذنوب
عسى الولي يغفر ذنوبً مقيمه
دنيـــاك هاذي مابهـــــا خير وعذوب
كود الصلاة وتوبه مع عزيمه
وقولها ولقلب ضــايق ومتـــــعــــوب
يتبع هوى نفس عليه ضليمه
وترى الشيـطان بليس يفرح ومعجوب
باللي معه يمشي اسوات البهيمه
ايقــود ابن ادم على الشـــر مــجــلوب
حتى يبيعه دون ثمن وقيمه



( وله)



دنياك هذي كل يوم بنقصان
والعمر فاني والليالي جديده
ياقلب الاتحزن على كاين كان
كود الصلاه وديننا والعقيده
ترى الخطى والذنب من طبع الانسان
والنفس الأماره علينا عنيده
والأدمي مصيره يطوى بالأكفان
وتنها اعماله مع نهايت شديده
مات النبي وابو ريرة وعفان
وحنا على درب الصحابه مسيره

(وقال)

سـر ياقـلم وكـتب عـلى مـاتوريـت
أبيك أتشيدلي أبيوت جديده
اكتب سلامي وسـطره بأخـر البيت
للي على بالي علومه سديده
لأبـو خـالد يوسف لامـنك تنـصـيت
نذكرأيام صارت لنا سعيده
ياما تـمــــــــشــــينا ويامـاتــمشـيت
فوق الهضاب العاليات المديده
تـــــكرم يابو خالد بنا ماتهــــــانيت
مابه احد ينظام ونته سنيده
عزيز عــــــندي بالمــــعزه تعا ليت
تنفع الى صارت المواقف شديد
والمشـــكله مـدري علامـــك تدانيت
من عقب عدنا للوطن ياوليده
وش غيــرك عــساك حــين ولامـيت
عجل علينا هات منك الافيده
غير الســــلام وكيف حالك مابـغيــت
مابه جديد كود ماضي نعيده





(وله يضاً)
هــرج الــردي مـانــي بـدانـيـه يـانــاس
ارفــع مقـامـي عــن هــروج الـرديـيـن
مـاهــو صحيـبـلـي ولاقــــول نــومــاس
ومـن عاتـي ماصاحـب الـلـي مساكـيـن
اخــاوي الـلـي خـوتــه تـرفــع الـــراس
وبقـوالـهـم عـنــد الـمـلاقـى صريـحـيـن
ومن صاحب الرديان يصبر على الباس
يـجـيـه مـنـهـم حــــذف بـلـيــاّ قـوانـيــن
اسمـع كـلام اللـي ترهـمـس ترهـمـاس
نــوبٍ لـنــا وافـــي ونـــوبٍ لـنــا يـديــن
ياشيـن طبعـه كـل سـاعـة لــه اجـنـاس
ابـغــدره يـشـكــل كــــل يــــومٍ بـتـلـويـن
يلبس اثياب الصـدق مقطـوع الأرمـاس
اثـــره يـــدور مـــن ورانـــا المـكـانـيـن
حـلـو اللـسـان وداخــل القـلـب حـمـاس
نــار اللهايــب مــن ضمـيـره لــك تبـيـن
يمشـي فـي النـمـه عـلـى كــل مـجـلاس
قـصــده يـفــرق بـيــن نـــاسٍ ونيـسـيـن
وصــلات ربــي عـــد مـاهــب نـسـنـاس
علـى النبـي وعـداد صفـوف المصلـيـن

( وله)

ياضيقتي لمن طوى القلب طاوي
وكثراً على قلبي هواجيس وهموم
لاني بطرباً ولاني بهاوي
ودي السافر يم ربعي القروم
ودي اسافر مير ماني بقاوي
دنيا على الخاطر تخليه مكتوم
وياما حلى الممشى إلى صرت ناوي
يم البلاد اللى له البال مهيوم
ونفتك من هرجة نمامٍ لعاوي
وده على هرج الردى دائم الدوم
يكثر اللجة بكثر الدعاوي
وعند الأملاقاء ينجحر كنه البوم
عصابة تهوش هوش القطاوي
ولاشافت الصامل غدة كلها ارخوم

( ويقول)
ياشين بعض هرجة الناس شيناه
عيب عليهم بالمجالس يهرجون
لاكن الردي ردي ولو قمة تنهاه
عقلة يشايلبه على غير قانون
يشوف نفسه شايخ في حكاياه
مايدري انه تايه العقل مجنون
عنيد في هرجة ولحد يتحداه
وعند اللوازم ماتشوفة بالعيون
يصير كما البوم لجاه ماجاه
لنافع نفسه ولنافع بلون
ياربنا شيله ونت اعلم بمثواه
وعساه في مثواه ياعالم الكون
وصلاة ربي عد مالاح لهلاه
على اللنبي وعداد ماهلة امزون


(وله)

قال الذي ياخذ افكاره من الراس
يمشي على رايه مبياخذ من الغير
امشي على وضح النقاء مابه الدساس
واللي لنا مكتوب شي مقادير
السلي الخاطر من الضيق لوناس
معود الرجلين لكثر المشاوير
اصمل وصمل لطرا لي هوجاس
اقضي لزومي منخاف المخاسير
وحيد نفسي للوازيم دواس
لصار بعض الناس تكثر المعاذير
بعض العرب يحكي على غير مقياس
ميثمن الكلمه على غير تبصير
ماتهمني هرجة ضعيف من الناس
اضرب على الكايد ولو كان مايصير
ومن لاصبر يبقا على غير نوماس
يجلس في المجلس على غير تقدير
دنيا تقلب ياعرب باسه باس
نوب لنا رخاء ونوب معاسير
يماطوتنا باللوائم والاتعاس
اتلفنا لف المحاحيل بالسير
ورزقي على الله عن عطاء كل فلاس
يرزقني اللي يرزق الطير و الحوت
                                          من القصائد القديمه اقول
وين الرفـيق اللي عليه يهــوني          يصبر علي ايام وقت الصعايب
 
 
دون العـطى عـلي مايمهلـوني             ماشفت منهم كود كثر النعايب
 
 
يوم بعـض الناس لـي يطلبوني              لاعاد يوم اخت منهم طلايب
 
 
ليه عشر وخمـس اسدد اديوني        ومن الفقر والدين شفت المصايب
 
 
عـن الـديـون القـاسيه جـنبوني         حـملي ثـقـيـل ولاتـشـيلـه ركايب
 
 
ورزقي على الله كل شي يهوني        يرزقني المعبود منشي السحايب
 
 
                         عام 1414هـ
 
 
 
 


عدل سابقا من قبل صلاح السليمي في الأحد يونيو 23, 2013 10:56 am عدل 4 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://1386.montadamoslim.com
عاشق الهلال

avatar

عدد المساهمات : 40
السٌّمعَة : 1
تاريخ التسجيل : 12/03/2010

مُساهمةموضوع: رد: قصائد صلاح سالم الحربي   الخميس أكتوبر 28, 2010 4:43 pm

وعليكم السلام
صح لسانك bounce نتنظر جديدك bounce:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشق الهلال

avatar

عدد المساهمات : 40
السٌّمعَة : 1
تاريخ التسجيل : 12/03/2010

مُساهمةموضوع: رد: قصائد صلاح سالم الحربي   الخميس أكتوبر 28, 2010 4:46 pm

[quote="عاشق الهلال"] وعليكم السلام
صح لسانك bounce نتنظر جديدك bounce
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصائد صلاح سالم الحربي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الموقع الرسمي لمنتديات الشاعر صلاح سالم السليمي الحربي :: مجالس الشعر والقوافي-
انتقل الى: